اگر آپ جوڑوں کے درد سے پریشان ہیں تو لیموں کو اس طریقے سے استعمال کرنے سے تمام مسائل حل ہوجائیں گے

لندن(نیوزڈیسک) جوڑوں میں درد کی وجہ سے اکثر لوگ بہت پریشان رہتے ہیں اور اس کے لئے ادویات کا استعمال کرتے ہیں جن سے منفی نتائج پیدا ہونے کا ڈررہتا ہے لیکن اگر آپ لیموں کو اپنی غذا کا حصہ بنالیں تو ایسے سنگین مسائل پر قابو پایا جاسکتا ہے۔لیموں اور سٹریس فروٹس میں وٹامن سی کی وافر مقدار موجود ہوتی ہے جس کی مدد سے کئی سنگین مسائل پر قابوپایا جاسکتا ہے۔ لیموں کی افادیت اس وقت منظر عام پر آئی تھی جب 18ویں صدی میں اسے ملاحوں کا زکام اور انفیکشن ٹھیک کرنے کے لئے استعمال کیا گیا تھا۔

لیموں میں اندازاً17کیلوریز پائی جاتی ہیں اور اس میں0.6گرام پروٹین، 0.2گرام چکنائی، 5.4گرام کاربز، 1.6گرام فائبراور1.5گرام چینی پائی جاتی ہے۔ لیموںکی وجہ آپ کو نہ صرف وٹامن سی بلکہ وٹامن بی اور منرلز جیسے میگنیشیم اور پوٹاشیم بھی ملتی ہے۔ماہرین کا کہنا ہے کہ لیموں کے علاوہ اس کا چھلکا بھی جسمانی سوزش کے لئے انتہائی مفید ہے۔ اسے جسم پر ملنے سے رگوں کی سوزش میں کمی ہوتی ہے اور ان میں خون کی گردش بہتر ہوتی ہے جس کی وجہ سے درد میں کمی آتی ہے۔ استعمال شدہ لیموں کو پھینکنے کی بجائے اسے کسی جار میں ڈال دیں اور اس پر زیتون کا تیل ڈال کر جار کو اچھی طرح سے بند کرکے رکھ دیں۔ دو سے تین بعد جار کو کھولیں اور اس تیل سے جوڑوں اور پٹھوں کی مالش کرنے سے آپ کے درد میں واضح کمی آنے لگے گی۔