 |
خبردار! مرغی کا گوشت خریدنے سے پہلے ہمیشہ دیکھیں اس پر اس طرح کتنی سفید لکیریں ہیں کیونکہ ان کا مطلب ہوتا ہے کہ |
لندن (نیوز ڈیسک)مرغی کا گوشت تقریباً ہر کسی کو پسند ہوتاہے اور دنیا بھر میں اسے بکثرت کھایاجاتا ہے۔ کوئی اسے نگٹس کی صورت میں کھاتا ہے تو کوئی بریانی کی صورت میں، کوئی چکن روسٹ پسند کرتا ہے تو کوئی اس سے قورمے کی صورت میں لطف اندوز ہوتا ہے۔اس کی پسندیدگی کی نمایاں وجوہات میں سے ایک یہ بھی ہے کہ اس میں چکنائی کی مقدار بہت کم ہوتی ہے، لیکن کیا واقعی ایسا ہے؟ یہ بات درست ہے کہ کبھی مرغی کم چکنائی والی غذا ہوتی تھی لیکن اب ایسانہیں ہے۔ اس کی بنیادی وجہ پولٹری فارم کے جدید طریقے ہیں، جن کی وجہ سے مرغی کے گوشت کی ساخت ہی تبدیل ہوکررہ گئی ہے۔
دی مرر کی رپورٹ کے مطابق ادارے ’کمپیشن ان ورلڈ فارمنگ‘ کی جانب سے حال ہی میں ایک ویڈیو ریلیز کی گئی ہے جس میں دکھایا گیا ہے کہ پولٹری فارم میں تیار کی گئی مرغی کے گوشت میں مخصوص قسم کی سفید دھاریاں ہوتی ہیں، جبکہ پولٹری فارم کے برعکس کھلے اور صحت مند ماحول میں قدرتی غذا پر پرورش پانے والی مرغیوں کے گوشت میں یہ سفید دھاریاں نہ ہونے کے برابرہوتی ہیں۔ تحقیق کاروں کا کہنا ہے کہ آج کل پولٹری فارمز میں مرغیوں کو جلد از جلد بڑا اور بھاری کرنے کی کوشش کی جاتی ہے جس کے نتیجے میں ان کے گوشت میں چکنائی نسبتاً زیادہ ہوجاتی ہے۔ یہ سفید دھاریاں دراصل جمع شدہ چربی ہی ہوتی ہے۔
کوئی تبصرے نہیں:
ایک تبصرہ شائع کریں